Dunyoni yanada yaxshiroq tomonga oʻzgartiramiz

The Coca-Cola Company biznesni toʻgʻri yoʻlga qoʻyish orqali odamlar, jamiyatlar va butun sayyoramiz hayotini ijobiy tomonga oʻzgartirish uchun oʻz faoliyatining barcha jabhalarida barqaror rivojlanish tamoyillarini birlashtiradi.

Oʻzbekistonda Coca-Cola odamlarning iqtisodiy, ekologik va jismoniy farovonligini oshirish maqsadida 10 yildan ortiq vaqtdan buyon global miqyosdagi barqaror rivojlanish dasturini amalga oshirib kelmoqda.

Kompaniyamiz Oʻzbekistonda oʻz faoliyatini yoʻlga qoʻygan dastlabki kunlardan boshlab hozirgi kunga qadar biz mamlakatning turli xil murakkab iqlim zonalarida ekologik vaziyatni yaxshilash, suv resurslarini saqlash va toʻldirish, ish joylarini yaratish va mahalliy tadbirkorlar jamoasini qoʻllab-quvvatlash, chiqindilarni alohida yigʻish va siklli iqtisodiyotni rivojlantirish kabi strategik muhim vazifalarni hal qilish doirasida bir qator xalqaro tashkilotlar bilan hamkorlik qilib kelmoqdamiz.

Shu vaqt ichida Coca-Cola Jamgʻarmasining moliyaviy koʻmagida BMTTD Oʻzbekistonda yarim million AQSh dollaridan ortiq miqdordagi loyihalarni amalga oshirdi. Grantlar suv resurslaridan foydalanish muammosini hal qilishga qaratilgan edi. Xususan, 2018-yilda Samarqand viloyatining Pastdargʻom tumanida va Navoiy viloyatining Karmana tumanida yashovchi 19 mingdan ziyod aholi toza ichimlik suviga ega boʻldi. Shuningdek, ushbu hududlarda yerni sugʻorishda suvdan oqilona foydalanish boʻyicha loyihalar amalga oshirildi va bu Pastdargʻom qishlogʻidagi mahalliy fermerlarga yiliga bitta maydondan 5 million kubometrdan ortiq, Karmana qishlogʻidagi fermerlarga 53 820 kubometrdan ortiq suvni tejash imkonini berdi.

Samarqand viloyatining bir qator qishloqlarida ayollarning iqtisodiy ahvolini yaxshilash maqsadida gilam toʻqish ustaxonasini yaratish loyihasi amalga oshirildi. Sayram, Mehnatobod va Kanaleka qishloqlaridan 50 dan ortiq ayollar yuqori talabga ega kasbni egallab, barqaror daromad olish imkoniyatiga ega boʻldilar.

YeXHT bilan birgalikda 2020-2021 yillarda Coca-Cola kompaniyasi uyda tayyorlanadigan ovqatlarni yetkazib berish bilan shugʻullanadigan Coozin platformasi orqali ayollarga oʻzlarining pazandachilik hobbisini daromad manbaiga aylantirish imkonini beruvchi loyihani ishga tushirdi. Yuzlab ishtirokchilar respublika poytaxtida va viloyatlarida faoliyat yuritayotgan maxsus onlayn platformaning sotuvchisi boʻlish uchun kasbiy tayyorgarlikdan oʻtishdi va oʻtishmoqda.

Amalga oshirilgan barcha loyihalar oʻzini oʻzi qoplaydigan loyihalar boʻlib, loyihalardan ijobiy samara olayotgan kishilar soni yildan-yilga koʻpayib bormoqda.

Coca Cola kompaniyasi muntazam ravishda chiqindilarni yigʻish va qayta ishlash boʻyicha ijtimoiy loyihalarga sarmoya kiritadi. Coca Cola brendi oʻzining “Chiqindisiz dunyo” global dasturi doirasida oʻz oldiga uchta maqsad qoʻygan: 2025-yilgacha toʻliq qayta ishlanadigan qadoqlarga oʻtish, 2030-yilga borib oʻzimiz ishlab chiqargan qadoqlarni (yoki unga ekvivalentlarni) 100% yigʻish va qayta ishlashga yuborish, hamda qadoqlardagi qayta ishlangan xom ashyo tarkibini 50% ga yetkazish.

Oʻzbekistonda birinchi maqsadga allaqachon erishildi: barcha mahsulotlar qayta ishlanadigan qadoqlarda ishlab chiqarilmoqda. Kompaniya tomonidan ishlab chiqarilgan qadoqlarni 100% yigʻish va qayta ishlashga joʻnatishdek ulkan maqsadga erishish uchun Oʻzbekistonda amalga oshirilgan loyihalardan biri “Maxsustrans” DUK va Toshkent shahar hokimiyati koʻmagida 2020-yil mart oyida boshlangan loyihadir. Chiqindilarni saralash uchun 600 dan ortiq konteynerlar Coca-Cola kompaniyasi tomonidan Toshkent shahridagi mahallalardan birining aholisiga bepul tarqatildi. 2020-yil yakuni boʻyicha loyihada ishtirok etgan ikki yuzta uy xoʻjaligi 3 tonnadan ortiq plastik va 58 tonnadan ortiq organik chiqindilarni yigʻib qayta ishlashga joʻnatishdi.

Coca-Cola kompaniyasi bir necha oʻn yillardan buyon Olimpiadadan tortib havaskorlar musobaqalariga qadar barcha darajadagi sport tadbirlarida asosiy hamkorlaridan biri sifatida ishtirok etib kelmoqda.

Soʻnggi 5 yil ichida Coca-Cola kompaniyasining Oʻzbekiston Olimpiya qoʻmitasi bilan hamkorligi natijasida 15000 nafar oʻsmirlar va kattalar sport tadbirlarida qatnashdilar. 2019-yilda Oʻzbekistonlik yuqori sinf oʻquvchilari Oʻzbekistondagi Futbol Assotsiatsiyasi tomonidan Coca-Cola koʻmagida tashkil etilgan “Mahallaga Mahalla” koʻcha futboli musobaqasida ishtirok etishdi.

The Coca Cola Company, The Coca Cola Foundation xayriya jamgʻarmasi va ichimliklar ishlab chiqarish va tarqatish boʻyicha hamkor kompaniyalar butun dunyo boʻylab pandemiyadan zarar koʻrganlarga yordam berish uchun 120 million dollardan ziyod mablagʻ ajratdilar. Ushbu mablagʻlar Coca-Cola kompaniyasining turli mamlakatlardagi hamkorlariga yuborilgan.

Oʻzbekistonda loyihaning birinchi bosqichi BMTTD bilan hamkorlikda amalga oshirilgan. Oʻpkaga sunʻiy havo yuborish apparatlari va kislorod konsentratorlarini sotib olish uchun 200 ming dollar ajratilgan. Oʻzbekistondagi Coca-Cola tizimi oʻz biznes hamkorlarining inqirozdan soʻng oʻzlarini qayta tiklashlariga qaratilgan global yordam dasturi doirasida kichik biznesni qoʻllab-quvvatlash uchun 150 ming dollardan ortiq mablagʻ ajratdi. Doʻkonlar va restoranlarga shaxsiy himoya vositalari ajratildi. Shuningdek, elektron tijoratni joriy etish va rivojlantirish boʻyicha loyihalar amalga oshirildi.

Coca-Cola jamgʻarmasi Coca-Cola kompaniyasi tomonidan xayriya maqsadlari uchun tashkil etilgan boʻlib, u orqali kompaniya oʻzining ustuvor yoʻnalishlaridan biri – jamiyatning yashash sharoitlarini yaxshilash va farovonligini oshirish va bu bilan dunyoni yanada yaxshiroq tomonga oʻzgartirish maqsadini amalga oshiradi. Coca-Cola kompaniyasining foydasi bevosita aholining farovonligiga bogʻliq va kompaniyaning foydasi qanchalik koʻp boʻlsa, Coca-Cola oʻz biznesining oʻziga xos jihatlari bilan oʻzaro bogʻliq boʻlgan barqaror loyihalarni amalga oshirish orqali jamiyatga shunchalik koʻp yordam berish imkoniyatiga ega boʻladi.

BARQARORLIK

Coca-Cola Oʻzbekistonning barqarorlik koʻzlovi va loyihalari haqida siz bilishingiz kerak boʻlgan barcha maʼlumotlar