Dunyoda eng mashhur boʻlish tole’iga bitilgan ichimlik 1886-yil may oyining jazirama kunlarining birida farmasevt Jon Stit Pemberton tomonidan ixtiro qilgan. U 8-may kuni Coca‑Cola ichimligining birinchi porsiyasini sotadi. U biz hozirgi kunda Coca‑Cola deb bilgan va ichadigan ichimlikka juda oʻxshaydi, ammo 1886-yilda u dorixonada stakanga quyib sotiladi va birinchi yili Pemberton kuniga oʻrtacha 9 porsiya Coca‑Cola sotadi.

Mashhur Coca‑Cola logotipini Pembertonning buxgalteri Frank Robinson oʻylab topadi. Buning uchun u spenserian kalligrafiyasidan – yozuv mashinalari paydo boʻlishiga qadar AQShda ishga oid yozishmalarda foydalanish qabul qilingan yozuv standartidan foydalanadi. Robinson ikkita katta lotincha C harfi reklamada juda jiroyli koʻrinishiga ishonadi.

1888-yilda tadbirkor Eyza Kendler ushbu ichimlikni ishlab chiqarish huquqini sotib oladi va “The Coca‑Cola Company”ning asoschisiga aylanadi. Oʻshandan boshlab Kompaniya global miqyosgacha oʻsdi va hozirda butun dunyo boʻylab 200 dan ortiq turli xil ichimliklar brendlarini taklif qilmoqda, biroq aynan Coca‑Cola sotishda har doimgidek yetakchilik qilib kelmoqda.

Butun dunyo boʻylab har kuni umumiy hisobda 1,9 milliard porsiyadan ortiq Coca-Cola isteʼmol qilinadi, bu brendni esa, dunyo aholisining 94 foizi yaxshi taniydi.

Coca-Cola Oʻzbekistonda

“Coca-Cola Ichimligi Uzbekiston, LTD” kompaniyasi 1993-yilda Oʻzbekistonda rasmiy roʻyxatdan oʻtkazilgan. Toshkent shahrining Besh-Yogʻoch massividagi birinchi ishlab chiqarish korxonasining ochilishi 1994-yil mart oyida boʻlib oʻtdi. Oʻsha vaqtda ichimliklar 0,25 litr hajmli shisha butilkalarda sotuvga chiqarilgan.

1996-yil may oyida kompaniya Toshkent viloyatining Qibray tumanida yana bir quyish sexini ishga tushirdi. Bu yerda uchta ishlab chiqarish liniyasida Coca-Cola, Fanta, Sprite va BonAqua ichimliklari ishlab chiqarilgan. Xuddi shu yili ichimliklar 1,5 litrli plastik (PET) butilkalarda qadoqlana boshladi va bu mahsulotni mamlakatning hatto eng chekka hududlariga ham yetkazib berish imkoniyatini yaratdi.

1997-yil fevral oyida Namangan shahrida yana bir zavod ishga tushirildi. 1997-yil iyun oyida Urganch shahrida toʻrtinchi zavod ochildi.

1998-yil avgustda poytaxtda Mega-zavodning – Markaziy Osiyo boʻyicha oʻsha vaqtdagi eng yirik Coca-Cola zavodining ochilish marosimi boʻlib oʻtdi.

Bugungi kunda mamlakat hududida Coca-Cola ishlab chiqarish boʻyicha uchta zavod – Namangandagi, Urganchdagi va Toshkentdagi Mega zavod muvaffaqiyatli faoliyat olib bormoqda.

Coca-Cola oʻz mahsulotlarini mamlakatning barcha hududilariga yetkazib berilishini taʼminlagan va ularni buyurtmachilarga oʻz yuk mashinalarida yetkazib beradigan Oʻzbekistondagi birinchi kompaniya boʻldi.

BIZ HAQIMIZDA

Coca-Cola kompaniyasining Oʻzbekistondagi faoliyati haqida batafsil maʼlumot